సరసాల జవరాలను

చిత్రం  :  సీతారామ కల్యాణం (1961)
సంగీతం  :  గాలిపెంచల నరసింహారావు
గీతరచయిత  :  సముద్రాల (సీనియర్)
నేపధ్య గానం  :  పి. లీల   

పల్లవి :

ఆ.. ఆ.. ఆ.. ఆ.. ఆ.. ఆ..ఆ.. ఆ.. ఆ.. ఆ...

సరసాల జవరాలను...  నేనే గదా
సరసాల జవరాలను...  నేనే గదా
సరసాల జవరాలను...

మురిపాలు వెలబోయు భామలలోన
మురిపాలు వెలబోయు భామలలోన

సరసాల జవరాలను...  నేనే గదా
సరసాల జవరాలను..

చరణం 1 :

బంగారు రంగారు మైజిగిలోన
బంగారు రంగారు మైజిగిలోన
పొంగారు వయసు పొంకములోనా

సంగీత నాట్యాల నైపుణిలోనా
ఆ.. ఆ.. ఆ.. ఆ.. ఆ.. ఆ..ఆ.. ఆ.. ఆ.. ఆ
సంగీత నాట్యాల నైపుణిలోనా
నా సాటి నెరజాణ కనరాదుగా

సరసాల జవరాలను...  నేనే గదా
సరసాల జవరాలను..

చరణం 2 : 

మగువల నొల్లని  మునియైనా
మగువల నొల్లని  మునియైనా
నా నగుమొగమును గన చేజాచడా

యాగము యోగము ధ్యానములన్నీ ...
యాగము యోగము ధ్యానములన్నీ ...
నా బిగికౌగిలి సుఖమునకేగా

సరసాల జవరాలను...  నేనే గదా
సరసాల జవరాలను..

 

 

 

                    *****************************

ఈ పాట సీతారామ కల్యాణం సినిమాలోనిది. పాడినవారు పి. లీల, సంగీతం గాలిపెంచల నరసింహారావు,   సాహిత్యము  సముద్రాల రాఘవాచార్య.  ఈ పాట కుచలకుమారి మీద చిత్రీకరించారు. సినిమాలో ఆవిడ రంభగా నటించారు. రంభ తనని తాను పొగుడుకుంటూ పాడుకునే జావళి ఇది. ఇది తెలిసో తెలియకో రావణుడిని ఆకర్షించినందుకు ఈ పాట జావళి అయ్యింది. ఈ పాట అయ్యాకే రావణుడు రంభని బలాత్కరిస్తాడు, నలకూబరుడి శాపానికి లోనౌతాడు. (కొన్ని గ్రంధాలలో రంభే శపించింది అని కూడా ఉంది).   


ఈ జావళిలో రంభ తనను తాను పొగుడుకుంటూ "యాగము యోగము దానములన్నీ  నా బిగికౌగిలి సుఖమునకేగా " అని చాలా గర్వంగా అంటుంది. ఎన్ని తపస్సులైనా, ఎన్ని యాగాలైనా చేసేది స్వర్గం కోసమూ, ఆ స్వర్గ సుఖాల కోసమే కదా! ఆ స్వర్గంలో ముఖ్య ఆకార్షణ తనే (రంభే) అని ఎంత గర్వంగా చెప్పుకుందో కదా!